اسلام آباد ۔ 21 جولائی (اے پی پی) صدر مملکت ممنون حسین آکھے جو پاکستان دہشت گردی اتے انتہا پسندی دے چیلنج نال نبڑنڑ اچ کامیاب ریہا ہے اتے ہنڑ عالمی برادری پاکستان دے ایں غیر معمولی تجربے توں فیدہ چاء سگدی ہے ۔ انہاں اے گالھ خمیس کوں 41ویں نتھیا گلی سمر کالج دے شرکا دے اعزاز اچ ہک ضیافت دے موقعے تے گالھ مہاڑ اچ آکھی۔ ایں موقعے تے پاکستان اٹامک انرجی کمیشن دے چیئرمین محمد نعیم اتے اندرون تے بیرون ملک توں آونڑآلے سائنس داناں اتے سمر کالج دے بئے شرکاء وی شرکت کیتی۔ صدر مملکت آکھیا جو نتھیا گلی سمر کالج اساڈے سائنس داناں کیتے بہوں مفید ہے جیندے نال پاکستانی سائنس دان عالمی سائنس داناں دے تجربیاں توں فیدہ چیندے ہن ۔ انہاں آکھیا جو پاکستان دنیا دے ہر ملک نال پرامن اتے بقائے باہمی تے یقین رکھیندے اتے آپنڑیں ہمسایہ سمیت دنیا دے سارے ملکاں نال دوستانہ تعلقات چاہنداہے انہاں آکھیا جو انتہاپسندی اتے عسکریت پسندی نال پاکستان کوں سب توں ودھ نقصان تھئے ۔ انہاں آکھیا جو ہنڑ اے مسئلہ دنیا دے بئے حصیاں کوں وی متاثر کریندا پئے جیہڑا جو قابل تشویش ہے، عالمی برادری ایں بارے اساڈے تجربیاں توں فیدہ چاء سگدی ہے کیونجو پاکستان ایں معاملے اچ غیر معمولی کامیابیاں حاصل کیتیاں ہن ۔
متعلقہ مضامین
-
نقص رؤیہبرق: تأثیرات بر باطل مایاب در جامعه اور سیاست
-
לקי לידיס חארמ
-
لکی لیڈیز چارم
-
جبر الإبداع: رحلة ya دريغان
-
Ayşe Driğan ve Türk Musikaliğinin İzleri
-
·دری
-
·ڈری: ایک قیام در افسانه و آداب
-
ایشیا ڈریگن:
-
ئۈ۰تۇنەمێن چرچہ؟
-
سورسو میں زیادہ گرم ہے
-
ۋیامدھ سے زیادہ گرم کونٹیننتس
-
نقدی پھٹنا کے اثرات اور مضامین